Skeinuhættir stjórnmálamenn 15.01.13

Jón Steindór, formaður Já Ísland, birti stutta grein í Fréttablaðinu í dag þar sem hann fjallar um aðildarviðræður, stjórnmálamenn og langtímahagsmuni. Greinin fer í heild sinni hér á eftir:

Langt er síðan ég gerði upp hug minn um að Íslandi væri best borgið með aðild að Evrópusambandinu. Þar gildir einu hvort litið er til lífskjara, starfsskilyrða atvinnulífsins, öryggis- og varnarmála eða menningarmála.

Ekki er byggt á skammtímasjónarmiðum um að ESB muni reynast einhvers konar bjargvættur á neyðarstundu. Þvert á móti er skoðunin byggð á því að aðildin muni fela í sér meiri farsæld fyrir okkur öll á næstu áratugum.

Brýnasta hagsmunamálið í bráð og lengd er að tryggja efnahagslegan stöðugleika og búa í haginn fyrir öflugan útflutning. Það er forsenda góðra lífskjara. Með haftakrónu, hárri verðbólgu, gengissveiflum og annarri óáran sem fylgir okkar sjálfstæðu peningamálastefnu tekst það ekki. Í þeim efnum er reynslan ólygnust.

Ég eindreginn stuðningsmaður aðildar Íslands að ESB.  Af aðild verður auðvitað ekki ef aðildarviðræðum verður slitið. Það er öldungis fráleitt að halda því fram að aðildarviðræðurnar séu bara hjal um ekki neitt – niðurstaðan liggi þegar fyrir. Það verður að halda viðræðum áfram af fullum þunga og ná hagstæðri niðurstöðu.

Ágæti aðildar að ESB er ekki háð víðtækum undanþágum frá hinu og þessu. Hagsmunir okkar og framtíð geta aldrei ráðist af þröngum sérhagsmunum eða ítrustu kröfum háværra gæslumanna þeirra. Almenningur á ekki að súpa seyðið af þeim  með lakari lífskjörum.

Ég er handviss um að þegar grannt verður skoðað mun heildarhagsmunum Íslands verða betur borgið innan ESB. Að fenginni niðurstöðu viðræðna mun auðvitað hver og einn vega og meta fyrir sig hvort  skynsamlegra sé að segja já eða nei.

Stjórnmálamenn eiga margir hverjir erfitt með að hugsa til lengri tíma en enda hvers kjörtímabils. Eigið þingsæti og hagsmunir flokksins yfirskyggja því miður oftar en ekki langtímahagsmuni lands og lýðs. Slíkir stjórnmálamenn eru okkur skeinuhættir og þá eigum við að forðast eftir mætti. Því miður eru þeir margir á kreiki nú sem fyrr.

Sjálfur mun ég leggja þeim lið sem vilja halda dyrum opnum, leiða aðildarviðræður til farsælla lykta á næstu misserum og bera niðurstöðuna undir þjóðina. Hinir mega eiga sig.

Greinin í Fréttablaðinu.

Aðalfundur: Sterkara Ísland / Já Ísland 28.09.11

ja_island_220_170

Sterkara Ísland / Já Ísland heldur aðalfund sinn miðvukudaginn 12. október kl. 20 í fundarsal sínum að Skipholti 50a. Hefðbundin aðalfundarstörf. Allir félagsmenn hvattir til að mæta og taka þátt.











- Lesa meira

Áskorun – stöndum saman 28.06.11

askorun2

Við skorum á ríkisstjórn Íslands og Alþingi að standa af heilindum að umsókn Íslands um aðild að Evrópusambandinu sem meirihluti landsmanna styður. Til þess að þjóðin megi njóta fjölmargra kosta fullrar aðildar þarf að ná samningi sem tryggir framtíðarhagsmuni Íslendinga sem fullvalda og sjálfstæðrar þjóðar. Efnahagslegur stöðugleiki, lægri vextir, afnám verðtryggingar, lægra matvælaverð og þátttaka…






- Lesa meira

Kjarnaskilaboð á flettiskilti 04.05.11

ja_skilti_sudurlandsbraut_220

Glöggir vegfarendur hafa tekið eftir nýjum auglýsingum á flettiskiltum við Vífilstaði og gatnamót Suðurlandsbrautar og Kringlumýrarbrautar í Reykjavík. Auglýsingarnar eru á vegum Já Ísland og flytja vegfarendum stutt kjarnaskilaboð um kosti og tækifæri við aðild Íslands að Evrópusambandinu.











- Lesa meira

Fundaröð Já Ísland fer af stað 17.03.11

ja_island_220_170

Fundaröð okkar, Fróðleikur á fimmtudegi, er komin af stað. Röðin er liður í upplýsinga- og kynningaherferðinni Já Ísland sem hófst um miðjan febrúar. Aðalsteinn Leifsson, lektor við Háskólann í Reykjavík, hóf leikinn á því að fjalla um auðlindir en í kjölfarið fylgir Gylfi Magnússon sem mun ræða um gjaldmiðlamál. Annars er dagskráin næstu vikur svohljóðandi: 31….






- Lesa meira

Við eigum samleið með Evrópu 15.02.11

augl_samleid_220

Við Íslendingar eigum fullt erindi á sameiginlegan vettvang Evrópuþjóða til að taka þátt í að móta framtíð okkar. Aðild að Evrópusambandinu hefur líka marga góða kosti í för með sér fyrir okkur á fjölmörgum sviðum.











- Lesa meira

Já Ísland verður til 15.02.11

_MG_7254

Fimm samtök Evrópusinna hleyptu af stokkunum samstarfsverkefninu Já Ísland á fjölmennum fundi í Þjóðmenningarhúsinu í dag. Því er ætlað að vera samnefnari fyrir málefnalega umfjöllun og upplýsingamiðlun um aðild Íslands að ESB og leggja þannig grunn að því að Íslendingar geti tekið upplýsta ákvörðun þegar aðildarsamningur liggur fyrir.











- Lesa meira