Ungir Evrópusinnar

Ungir Evrópusinnar er þverpólitísk ungliðahreyfing sem telur að hagsmunum Íslands geti verið best borgið með aðild að Evrópusambandinu, og að nauðsynlegt sé fyrir Ísland að taka virkan þátt í samstarfi Evrópuþjóða á efnahagslegum, menningarlegum, félagslegum og stjórnmálalegum grundvelli.

Ungir Evrópusinnar vilja stuðla að opinni og upplýsandi umræðu um samstarf Evrópuríkja og dreifa upplýsingum og þekkingu um Evrópusambandið. Ungir evrópusinnar vinna því með aðild Íslands að ESB sem helsta markmið. Þá er hreyfingin opin öllum ungliðum frá 16 ára afmælisdegi þeirra þar til þeir verða 36 ára, fari þeir að lögum hreyfingarinnar.

Hlutverk og samstarfsaðilar

Hlutverk Ungra Evrópusinna er að stuðla að opinni og upplýsandi umræðu um Evrópusambandið, að dreifa upplýsingum og þekkingu um sambandið og að koma hugsjónum og hugmyndafræði sambandsins á framfæri við unga fólkið og leiðrétta rangfærslur um Evrópusambandið. Þá mun hreyfingin reyna að fá alla unga Evrópusinna undir sama hatt.

Ungir Evrópusinnar munu vinna náið með öðrum íslenskum sem og erlendum hreyfingum sem vinna með sömu eða svipuð markmið og hreyfingin, eins og til dæmis Evrópusamtökin, Sterkara Ísland: þjóð meðal þjóða og Europeisk Ungdom í Noregi.

Ungir Evrópusinnar reiða sig á frjáls framlög stuðnings- og félagsmanna. Þeim sem hafa áhuga á að styrkja félagið er bent á reikning félagsins: 525-26-561209. Kennitala: 561209-0140.

Stjórn Ungra Evrópusinna 2011 – 2012

Formaður: Dagbjört Hákonardóttir
Varaformaður: Freyja Steingrímsdóttir
Ritstjóri: Elís Rúnarsson
Gjaldkeri: Örvar Rafnsson
Ritari: Stefán Rafn Sigurbjörnsson
Meðstjórnandi: Auður Geirsdóttir
Meðstjórnandi: Bjarni Þór Pétursson
Meðstjórnandi: Brynhildur Bolladóttir
Meðstjórnandi: Guðrún Sóley Gestsdóttir
Meðstjórnandi: Hörður Unnsteinsson
Meðstjórnandi: Natan Kolbeinsson

Tölvupóstur Ungra evrópusinna: ungirevropusinnar@ungirevropusinnar.is