578429_10151488263594890_1525371519_nEvrópuskóli Samfylkingarinnar kynnir:

Allt sem þú vilt vita um ESB… og meira! – Hvað getur ESB gert fyrir þig?

Opin fræðslukvöld um Evrópusambandið þriðjudagana 12. og 19. mars.

Leiðbeinendur: Aðalsteinn Leifsson, Baldur Þórhallsson, Dóra Sif Tynes, Sema Erla Serdar og Vilhjálmur Þorsteinsson.

Létt og skemmtileg fræðslukvöld um Evrópusambandið og hverju aðild Íslands muni breyta fyrir okkur Íslendinga. Fræðslukvöldin eru öllum opin og verða haldin í kosningamiðstöð Samfylkingarinnar í Reykjavík, Laugavegi 18b (við hliðina á bókabúð Máls og menningar) þriðjudagana 12. mars og 19. mars og hefjast kl. 20.00.

Á fræðslukvöldunum verður m.a. fjallað um mýturnar um ESB, áhrif aðildar á heimilsbókhaldið, atvinnulífið til sjávar og sveita, fullveldið, meintan lýðræðishalla, auðlindirnar og kosti og galla evrunnar. Að auki verður fjallað um EES-samninginn og núverandi stöðu Íslands gagnvart ESB og hvaða stöðu Íslendingar munu hafa innan ESB.

Eftir framsöguerindi verða snarpar umræður og eru þátttakendur hvattir til að mæta vopnaðir spurningum um allt sem viðkemur Evrópusambandinu. Hvað viltu vita um ESB?

Allir velkomnir!

Dagskrá fræðslukvöldanna

Í kvöld – þriðjudaginn 12. mars kl. 20.00:

Mun rödd Íslendinga heyrast innan ESB?
Baldur Þórhallsson, prófessor við stjórnmálafræðideild HÍ

Mýturnar um Evrópusambandið, fyrri hluti
Sema Erla Serdar, stjórnmála- og Evrópufræðingur og verkefnastjóri hjá JÁ-Ísland

Króna og evra – kostir og gallar
Vilhjálmur Þorsteinsson, frumkvöðull

Dagbjört Hákonardóttir, lögfræðingur, verður umræðustjóri kvöldsins

– – –

Þriðjudaginn 19. mars kl. 20.00:

EES-samningurinn og núverandi staða Íslands gagnvart ESB
Dóra Sif Tynes, lögfræðingur

Mýturnar um Evrópusambandið, seinni hluti
Sema Erla Serdar, stjórnmála- og Evrópufræðingur og verkefnastjóri hjá JÁ-Ísland

Auðlindir og atvinnulíf til sjávar og sveita
Aðalsteinn Leifsson, lektor við Háskólann í Reykjavík

Anna Margrét Guðjónsdóttir, formaður utanríkis- og Evrópumálanefndar Samfylkingarinnar, verður umræðustjóri kvöldsins