eu013.ltÍ dag, þann 1, júlí 2013, tóku Litháar við formennsku Ráðherraráðs Evrópusambandsins.

Litháar taka við af Írum og munu gegna formennskunni til áramóta. Þetta er í fyrsta skipti sem Lithár gegna formennsku í Ráðinu.

Hér má finna heimasíðu litháensku formennskunnar, en þar er hægt að fylgjast með fréttum og lesa um þau verkefni sem Litháar munu stýra á næstu mánuðum.

Hvað er Ráðherraráð ESB?

Ráðherraráðið (e. Council of the European Union) er skipað ráðherrum aðildarríkjanna. Ráðherraráðið fer með löggjafarvald í ESB ásamt Evrópuþinginu, undirritar samninga við önnur ríki og samtök, samhæfir stefnu og aðgerðir aðildarríkjanna í mörgum málaflokkum og hefur ákveðið framkvæmdavald. Hvert aðildarríkjanna á einn fulltrúa í ráðherraráðinu, óháð íbúafjölda. Samsetning ráðsins fer eftir málaflokkum. Þannig funda landbúnaðarráðherrar um landbúnaðarmál, umhverfismálaráðherrar um umhverfismál o.s.frv.