RTEmagicC_2013-03-13_12.32.35_10.jpgOle Poulsen, einn helsti sérfræðingur Dana í sjávarútvegsmálum og fyrrverandi sviðsstjóri sjávarútvegsmála í landbúnaðar-, sjávarútvegs- og matvælaráðuneyti Danmerkur, mun fjalla um þróun sjávarútvegsstefnu ESB og reynslu, á opnum fundi í Norræna húsinu, á morgun, föstudaginn 14. júní, klukkan 12.00.

Erindið mun fjalla um sameiginlega sjávarútvegsstefnu ESB í sögulegu ljósi. Sjávarútvegsstefnan á upphaf sitt að rekja til stækkunar íslenskrar landhelgi og þorskastríðanna í hafinu umhverfis Ísland. Frá því að sameiginlega sjávarútvegsstefna aðildarríkja ESB var sett á laggirnar árið 1982 hefur hún verið endurskoðuð á tíu ára fresti. N ýverið komu ráðherraráð ESB og Evrópuþingið sér saman um breytingar á henni. Rætt verður um mikilvægustu breytingarnar sem gerðar hafa verið á stefnunni og þær settar í samhengi við íslensk lög þar sem það á við.

Fundurinn er hluti af fundaröð Alþjóðamálastofnunar Evrópusamræður 2012-2013.

Allir velkomnir.