Í dag, föstudaginn 20. apríl, fer fram opinn fundur í Lögbergi, stofu 101, milli klukkan 12 og 13, um möguleikana á að þverþjóðlegur umræðuvettvangur skapist meðal almennings innan ESB ríkjanna.

Skortur á þess konar umræðuvettvangi veikir lýðræði innan ESB að mati sumra, sem megi svo aftur rekja til skorts á sameiginlegum evrópskum fjölmiðlum og sameiginlegri evrópskri sjálfsmynd.

Alþjóðamálastofnun stendur fyrir fyrirlestrinum og erindið flytur Maximilian Conrad, lektor við Stjórnmálafræðideild Háskóla Íslands, en í þessu samhengi mun hann meðal annars ræða niðurstöður rannsókna á umræðu um gerð stjórnarskár fyrir Evrópusambandið, í sex sænskum og þýskum dagblöðum á árunum 2000 – 2007.

Allir velkomnir.